Хөдөө аж ахуй

Танилцуулга

“Баян Симментал” ХХК нь 2014 оноос хойш сүү, махны чиглэлийн цэвэр Симментал үүлдэрийн 165 үхрийг Словак Улсаас авч ирэн үйл ажиллагаагаа өнөөдрийг хүртэл тогтвортой явуулсаар байна. Тус компани нь Монгол Улсын зах зээлд бүтээгдэхүүнээрээ хэдийнээ танигдан, байнгийн үйлчлүүлэгтэй болж, шинээр фермерүүдийг бий болгоход өөрсдийн хувь нэмрээ оруулж яваа мал аж ахуй, түүний идэш тэжээлийн үйлдвэрлэл эрхлэгч, туршлага солилцогч, бизнес инбукатор болоод байна.

Тэмээ төсөл

ӨМӨЗО-ны эрдэмтэн судлаач нарын олон жилийн судалгаа шинжилгээний ажлын үр дүнд ингэний сүү нь чихрийн шижин өвчнийг анагаах боломжтойг тогтоосон байна. Энэ талаар ӨМӨЗО-ны Тариалангийн их сургуулийн профессор Н.Журамт “Энэхүү нээлт нь лабораторийн шинжилгээнд түшиглэсэн бодит судалгаа юм. Тэмээний генийг судлахад нэг хоёрхон эрдэмтэн ажиллаагүй, олон улсын эрдэмтдийн баг хамтарч ажилласан. Энэ ажлын үр дүнд ингэний сүү хүний цусан дахь инсулины хэмжээг тогтворжуулах үйлчилгээ үзүүлдэг дүгнэлт гарсан. Ялангуяа монголчууд бид ингэний сүүг тогтмол хэрэглэж заншвал чихрийн шижин өвчнийг анагаах боломжтой бөгөөд бүрэн эдгэрсэн өвчтөнүүд ч бий. Ийм ашиг тустай бүтээгдэхүүнийг боловсруулж ингэний сүүг тослог чанарыг нь алдагдуулахгүйгээр хатаан олон улсад экспортлох зорилго тавин “Баян симентал” ХХК нь ингэний сүүг хатаан боловсруулах төслийг хэрэгжүүлэхээр Өмнөговь аймгийн Цогт-Овоо суманд өөрийн үйлдвэрийн барилгыг барьж эхлээд байна.

Үйлдвэрийн байр

Өмнөговь аймгийн бүх сумдаар явж америк гар саалтуураар тэмээ сааж түүхий эдийн олдоц, тэмээний тоо толгойн талаар судалгаа гаргав.

Цаашид баригдах 1000 ингэний фермийн харагдах байдал

600 үнээний ферм

Үхрийн фермийг экологийн цэвэр бордоогоор бордож чанартай бүтээгдэхүүнээр зах зээлд танигдаж байнгийн үйлчлүүлэгчидтэй болон зах зээлд өөрийн эзлэх байр суурьтай болсон. 2017 онд өөрийн эзэмшлийн 1500 га тариалангийн талбайтай болж үхрийн тэжээл бэлтгэж эхэлсэн. 2018-2020 онуудад: Шинээр фермер эрхлэгчдэд адил төрлийн бизнес эрхлэгч болоход мэдлэг, туршлагаа солилцон, үүлдэр угсааг сайжруулахад дэмжлэг үзүүлсэн. Энэ нь Монгол Улсын зах зээлд Симментал үүлдрийн үхрийн үнэлэмжийг 7 жилийн дотор мөнгөн үнэлэмжээр 166% иар нэмэгдүүлсэн. Өнгөрсөн хугацаанд нийгэмд үр дүн бүхий ажлуудад илүү төвлөрч ажилласан нь ирэх онуудад ч үргэжлэх ба цаашдын бизнесийн тогтвортой бөгөөд урт хугацааны жигд орлогыг, ажлын байрыг бий болгохоор зорин ажиллах зорилтуудыг дэвшүүлэн ажиллаж байна.

600 үнээний эрчимжүүлсэн ферм нь жилд 3600 тн сүү, 360 тн мах зах зээлд нийлүүлэх хүчин чадалтай.

Европ стандартын зураг төслөөр баригдсан Монгол улсын анхны ферм юм.

Нэг дор 36 үнээ саах бүрэн автомат саалтуураар тоноглогдсон.

150 га талбайг Франц улсын 2IE брэндийн автомат өөрөө явагч усалгааны системээр тоноглож үхрийн тэжээлээ усалж байна.

Өөрийн эзэмшлийн 1000га талбайд тариалалт хийх Европын John deere, Kuhn зэрэг трактор тоног төрөөрөмжөөр бүрэн хангагдсан.

Хадлан тэжээлээ бэлтгэх өөрийн техник хэрэгслээр бүрэн хангагдсан